نهاية تحدي 29يوم
نهاية 29يوم كلش ضاف لحياتي طاقه حلوه وقويه
نرجع من البداية🏃🏻♀️🏃🏻♀️🏃🏻♀️
اني آمنه من بغداد عمري 23سوه بديت التحدي وابالي اتحدى نفسي بتصميم قطع ملابس من المكرميه
هذا التحدي الرئيسي
ومصادري الي اتعلم منها جان لاشي لانه تعليم ذاتي
فجان صعب ومرات محبط بس اوك راح اكمل وتطلع مثل مااريد والي ساعدني لازم كل 3ادز وين وصلت فجان مثل الدافع الي اكمل
نشرت هل2 فديو بشكل مختصر مراحل الشغل
وفخوره كلش وفرحانه بيها وان شاء الله انجز اكثر وانشر بالمدونه حالياً داشتغل بجنطه حتى شويه اجدد طاقتي لتصميم الملابس
.
ومن بديت التحدي كدرت اخلص كتاب..اوك هو كتاب شي قليل اعتبره
لانه اني احب اقرا هوايه واكمل اكثر من كتاب بشهر بس اجاني بلوك من القراءه جان شعور كلش محلو
فبديت ويا نفسي بهذا التحدي اشتريت كتب تساعدني حتى يرجع الواهس وبديت اقره كل يوم شويه وكملته
وهسه داقره بالكتاب الثاني لحد ميرجع واهسي مثل قبل واكثر
فبديت اركز على شغله شغله اكملها واضبطها وانتقل للثانيه ودااحاول بيها لما تصير عاده ♥️
والي حبيته اكثر لبست هدوم العيد من تصميمي..(جان هو فرحة العيد )
وكهدية لنفسي لانه عيدميلادي الاول من سبتمبرراح استمر بفكرة التحدي بامور مختلفه لمدة 4شهور
واضيف عادات حلوه الي مثل ميكولون اصقل نفسي واعلمها على شي جديد تكون هديه معنويه ومختلفه هل المره😎
ناويه على اشياء حلوه اتعلمها وبنفسي من زمان
بس مراح الكدر الزمها كلها بوقت واحد واضبطها لهذا خصصت 4اشهر حتى يصحلي وقت اكثر
شي تلقائياً الطاقه توصلك وتنطيك حافز حلو وصارت المنشورات بيها محتوى وقيمة اكثر
.. هم صح نسبة قليله بس ان شاء الله تكثر اكثر واكثر
وبالنهايه كلش ممتنه لنفسي وللبطه🐣 (نومي )راح تشوفها بالفديو ساعدتني نفسياً😅..!
اجتي للبيت خلال مدة التحدي
وامتنان لمرتضى وافكاره الحلوه وفريق العمل كلهم التزموا وكملوا ويانه كلش شكراً الكم
ليست هناك تعليقات:
إرسال تعليق